Նորություններ

-
Հայաստանի ֆուտբոլի ֆեդերացիան մեծարելու է լեգենդար ԱՐԱՐԱՏ-73-ին
03.10.201316:24
Հայաստանի ֆուտբոլի ֆեդերացիան մեծարելու է լեգենդար ԱՐԱՐԱՏ-73-ին

40 տարի առաջ, 1973 թվականի հոկտեմբերի 10-ին, Մոսկվայի «Վ. Ի. Լենինի անվան կենտրոնական մարզադաշտում» կայացավ Երեւանի «Արարատի» եւ Կիեւի «Դինամոյի» պատմական հանդիպումը, որտեղ Երեւանի «Արարատը» 2:1 հաշվով հաղթելով Կիեւի «Դինամոյին» նվաճեց Խորհրդային Միության բյուրեղապակյա գավաթը: Այսօր էլ հայկական ֆուտբոլի երկրպագուների հիշողության մեջ թարմ են  «Արարատի» անզուգական խաղն ու Լեւոն Իշտոյանի երկու հաղթական գոլերը:

 

Այդ հանդիպումից օրեր անց, Երեւանի «Հրազդան» մարզադաշտում կայացավ Երեւանի «Արարատի» եւ Լենինգրադի «Զենիթի» հանդիպումը, որտեղ «Արարատի» անփոխարինելի ավագ Հովհաննես Զանազանյանի եւ Էդուարդ Մարգարովի հրաշալի գոլերի արդյունքում 3:2 հաշվով հաղթելով լենինգրադցիներին, «Արարատը» նվաճեց նաեւ Խորհրդային Միության չեմպիոնի տիտղոսը:

 

Երեւանի «Արարատը դարձավ 6-րդ թիմը, որը մեկ խաղաշրջանում նվաճում էր ԽՍՀՄ չեմպիոնի եւ ԽՍՀՄ գավաթակրի տիտղոսները:

«Հայկական ֆուտբոլի լեգենդը՝ Արարատ-73-ը, 40 տարի անց,  հոկտեմբերի 10-ին. ՄԵԾԱՐՈՒՄ ». այս խորագրով Հայաստանի ֆուտբոլի ֆեդերացիան «Արարատի» փառահեղ հաղթանակի օրը, հոկտեմբերի 10-ին կմեծարի հայկական ֆուտբոլի լեգենդար թիմի ֆուտբոլիստներին, մարզիչներին, վետերաններին: ՀՖՖ նախագահի հրավերով Երեւան կժամանի լեգենդար մարզիչ Նիկիտա Սիմոնյանը:  Տարբեր երկրներից Երեւան կժամանեն նաեւ «Արարատ-73»-ի աստղերից Լեւոն Իշտոյանը, Սերգեյ Բոնդարենկոն, Նազար Պետրոսյանը, Արմեն Սարգսյանը, Արկադի Հարությունյանը եւ ամբողջ թիմը՝ իր հռչակավոր գլխավոր մարզչի ղեկավարությամբ, կրկին կհավաքվի մեկ հարկի տակ:

 

Տոնական հանդիսավոր երեկոյին սպասվում են բազմաթիվ անակնկալներ եւ հաճելի պահեր, որոնք ընդմիշտ կմնան մասնակիցների հիշողության մեջ: 

 

Բարձրագույն խումբ

N Թիմեր Խ Մ
1. Արարատ-Արմենիա 18 36
2. Լոռի ՖԱ 18 32
3. Ալաշկերտ 18 31
4. Արարատ 18 31
5. Նոա 18 30
6. Շիրակ 18 28
7. Փյունիկ 18 23
8. ՈՒրարտու 18 23
9. Գանձասար-Կապան 18 18
10. ՖԱ Երևան 18 0
N Թիմեր Խ Մ
1. Արարատ-Արմենիա 19 37
2. Ալաշկերտ 19 34
3. Լոռի ՖԱ 19 33
4. Արարատ 19 31
5. Նոա 19 31
6. Շիրակ 19 29
N Թիմեր Խ Մ
1. Փյունիկ 18 23
2. ՈՒրարտու 18 23
3. Գանձասար-Կապան 18 18
4. ՖԱ Երևան 18 0