Նորություններ

-
Ազգերի Լիգա. Հայաստանի ազգային հավաքականի հնարավոր մրցակիցները
23.01.201811:59
Ազգերի Լիգա. Հայաստանի ազգային հավաքականի հնարավոր մրցակիցները

Վաղը, Երևանի ժամանակով 15:00-ին, Շվեյցարիայի Լոզան քաղաքում տեղի է ունենալու ՈւԵՖԱ-ի Ազգերի լիգայի խմբային փուլի վիճակահանությունը:

Հիշեցնենք, որ Ազգերի լիգան ՈւԵՖԱ-ի հովանու ներքո անցկացվող նոր մրցաշար է, որի ընթացքում եվրոպական հավաքականները բաժանվել են 4 դիվիզիոնների՝ ըստ իրենց վարկանիշների եւ յուրաքանչյուր դիվիզիոնի հաղթողը նվաճելու է Եվրոպայի 2020 թվականի առաջնության եզրափակիչ մրցաշարի ուղեգիր:

Հայաստանն ընդգրկվել է 4-րդ՝ D դիվիզոնում, ուր հանդես են գալու ընդհանուր առմամբ 16 երկրների հավաքականներ: Վիճակահանության համար այս 16 հավաքականները բաժանվել են 4 զամբյուղների: Վաղը կայանալիք վիճակահանության ընթացքում կազմավորվելու են Ազգերի լիգայի D դիվիզիոնի 4 խմբերը՝ 4-ական թիմերով (յուրաքանչյուր զամբյուղից՝ 1 թիմ): Ընդ որում նույն զամբյուղում գտնվող թիմերը չեն կարող ընդգրկվել նույն խմբում: Հայաստանը ընդգրկվել է 2-րդ զամբյուղում՝ Լատվիայի, Ֆարերյան կղզիների եւ Լյուքսեմբուրգի հավաքականների հետ միասին: ՈւԵՖԱ-ի Գործկոմի որոշմամբ Հայաստանը և Ադրբեջանը այս փուլում չեն կարող հանդիպել իրար: Այսպիսով վաղը կայանալիք վիճակահանության ժամանակ Հայաստանի մրցակիցները կարող են լինել.

Զամբյուղ 1-ից՝ ՆՀՀ Մակեդոնիա, Բելառուս, Վրաստան

Զամբյուղ 3-ից՝ Ղազախստան, Մոլդովա, Լիխտենշտեյն, Մալթա

Զամբյուղ 4-ից՝ Անդորրա, Կոսովո, Սան Մարինո, Ջիբրալթար

Խաղացանկի համաձայն Ազգերի լիգայի խմբային փուլի հանդիպումները կայանալու է 2018 թվականի սեպտեմբեր - նոյեմբեր ամիսներին: Ազգերի լիգայի վիճականությունը ուղիղ եթերով հեռարձակվելու է ՈւԵՖԱ-ի պաշտոնական կայքում:

Ֆան Ակումբ Ֆան Ակումբ

Սիրո՞ւմ եք ֆուտբոլ: Սիրո՞ւմ եք թիմային պայքար: Սիրո՞ւմ եք Հայաստանի ազգային հավաքականը: Միացեք Հայաստանի ազգային հավաքականի ֆան-ակումբին:

Մանրամասն

Բարձրագույն խումբ

N Թիմեր Խ Մ
1. Արարատ-Արմենիա 2 3
2. Արցախ ՖԱ 1 3
3. Ալաշկերտ 1 3
4. Արարատ 2 3
5. Շիրակ 2 2
6. Բանանց 2 1
7. Լոռի ՖԱ 2 1
8. Գանձասար-Կապան 0 0
9. Փյունիկ 0 0