Նորություններ

-
ՀՖՖ 16-րդ ժողովն անցել է թափանցիկության, օրինականության եւ ՀՖՖ կանոնադրության տառին համապատասխան
02.07.201814:14
ՀՖՖ 16-րդ ժողովն անցել է թափանցիկության, օրինականության եւ ՀՖՖ կանոնադրության տառին համապատասխան

Հունիսի 30-ին տեղի է ունեցել ՀՖՖ հերթական՝ 16-րդ ժողովը, որի ընթացքում ներկայացվել է նախորդ՝ 2017 թվականին Հայաստանի ֆուտբոլի ֆեդերացիայի կողմից իրականացված աշխատանքների, ինչպես նաեւ ֆինանսական հաշվետվությունները: Ժողովի օրակարգում էր նաեւ կազմակերպչական հարցեր: Տեղեկացնում ենք, որ ժողովից առաջ չմասնակցելու, բոյկոտելու պահանջներով մեծ ճնշումներ են գործադրվել ժողովի մասնակիցների, պատվիրակների վրա եւ չնայած այս հանգամանքին ժողովը կայացել է պահպանելով օրինականության, ՀՖՖ կանոնադրության բոլոր պահանջները: Ընդ որում այն եղել է առավելագույնս թափանցիկ: Ժողովի ընթացքը լուսաբանել են 20-ից ավելի լրատվամիջոցների ներկայացուցիչներ, եղել է ուղիղ հեռարձակում, ժողովի ընթացքին հետևել են 25-ից ավելի հրավիրյալներ՝ այդ թվում նաև ՈւԵՖԱ-ից:

Ժողովի ողջ ընթացքում ներկա ինչպես պատվիրակների, այնպես էլ վերը նշված լրագրողների և հրավիրյալների կողմից որևէ առարկություն, դիտողություն և անհամաձայնություն չի նկատվել:

Ավելին, եթե անգամ մի պահ պատկերացնենք, որ ինչ-որ քվեարկության մասնակցել են 17 պատվիրակներ, այլ ոչ բոլոր գրանցվածները՝ ապա կրկին անգամ որոշումն օրինական է, քանի որ որոշումները ժողովում ընդունվում են ժողովի գրանցված պատվիրակների պարզ մեծամասնությամբ (50%+1):

Եվ անգամ այս պայմաններում որոշ պատվիրված լրատվամիջոցներ փորձում են կասկածի տակ դնել Ժողովի օրինականությունը, իսկ ՀՖՖ որոշ անդամների և նրանց պատվիրակների նկատմամբ փորձում են ճնշումներ գործադրել, ինչի մասին ՀՖՖ-ն ստիպված է տեղեկացնել ինչպես ՖԻՖԱ-ին, այնպես էլ ՈւԵՖԱ-ին:

Բարձրագույն խումբ

N Թիմեր Խ Մ
1. Ալաշկերտ 17 33
2. Բանանց 17 29
3. Փյունիկ 17 27
4. Արարատ-Արմենիա 17 26
5. Լոռի ՖԱ 17 25
6. Շիրակ 17 22
7. Գանձասար-Կապան 17 22
8. Արարատ 17 13
9. Արցախ ՖԱ 16 12