Նորություններ

-
Արտոնագրման համակարգի ամփոփիչ հանդիպում ՀՖՖ ակումբների հետ
23.08.201917:30
Արտոնագրման համակարգի ամփոփիչ հանդիպում ՀՖՖ ակումբների հետ

Օգոստոսի 23-ին` ՀՖՖ գրասենյակում, տեղի ունեցավ ՀՖՖ Արտոնագրման բաժնի կողմից կազմակերպված սեմինար-հանդիպում ՀՀ Բարձրագույն և Առաջին խմբերի առաջնություններում հանդես եկող ակումբների ներկայացուցիչների հետ՝ ՀՖՖ Ակումբների արտոնագրման և վերահսկողության գործընթացի 2019/20 մրցաշրջանի վերաբերյալ:

Հանդիպման ընթացքում ՀՖՖ Արտոնագրման բաժնի պետ Վահան Բերակչյանն ամփոփեց ավարտված արտոնագրային 2019/20 մրցաշրջանը և հիշեցրեց, որ «Ազգային» արտոնագիր են ստացել դիմում ներկայացրած 12 ակումբներից 10-ը, իսկ «ՈՒԵՖԱ»ի արտոնագիր՝ դիմած բոլոր 8 ակումբները: Ակումբների ներկայացուցիչները ծանոթացան ավարտված մրցաշրջանի արդյունքներին, այն բոլոր մարտահրավերներին և խնդիրներին, որոնք ի հայտ էին եկել մրցաշրջանի ընթացքում, ինչպես նաև արտոնագրման թեկնածուների առավելություններին և թերություններին: Հաջորդիվ ներկայացվեցին նաև գալիք 2020/21 արտոնագրային մրցաշրջանում սպասվող փոփոխություններն ու մարտահրավերները:

Հանդիպմանը ամփոփվեցին նաև ակումբների կողմից լրացված ՀՖՖ Արտոնագրման և վերահսկողության համակարգի գնահատման հարցաթերթիկները, որոնք պարունակում էին բացառապես դրական եզրակացություններ:

Սեմինարի հատվածն անցավ ինտերակտիվ հարց-պատասխան ձևաչափով, որի ընթացքում ակումբների ներկայացուցիչները հղեցին իրենց հետաքրքրող հարցերը և հանդես եկան համակարգի հետագա զարգացման վերաբերյալ առաջարկներով:

Բարձրագույն խումբ

N Թիմեր Խ Մ
1. Լոռի ՖԱ 15 28
2. Արարատ-Արմենիա 15 27
3. Ալաշկերտ 15 27
4. Արարատ 15 27
5. Շիրակ 15 25
6. Նոա 15 24
7. Փյունիկ 15 20
8. ՈՒրարտու 15 17
9. Գանձասար-Կապան 15 14
10. ՖԱ Երևան 15 0