Նորություններ

-
ՀՖՖ-ն հայտարարում է կամավորների հավաքագրում
14.02.202011:55
ՀՖՖ-ն հայտարարում է կամավորների հավաքագրում

2019 թվականը չափազանց հագեցած էր ֆուտբոլային իրադարձություններով, ուստի ՀՖՖ-ի կողմից իրականացվեց կամավորների հավաքագրման գործընթաց:

 

Ընտրված մասնակիցները հնարավորություն ունեցան մասնակցել Մ-19 Եվրո-2019-ի ինչպես նախապատրաստական, այնպես էլ եզրափակիչ փուլի ընթացքում իրականացվող կազմակերպչական աշխատանքներին: Նրանցից շատերը, լավագույնս դրսևորելով իրենց կարողությունները, շարունակեցին համագործակցությունը ՀՖՖ-ի հետ՝ ընդգրկվելով ինչպես ազգային հավաքականի հանդիպումների, այնպես էլ ՀՖՖ տարբեր միջոցառումների կազմակերպչական աշխատանքների մեջ:

 

Շարունակելով հետամուտ լինել հասարակության լայն շերտերի՝ իր կողմից կազմակերպվող միջոցառումներին ներգրավելու քաղաքականությանը՝ Հայաստանի ֆուտբոլի ֆեդերացիան կրկին հայտարարում է կամավորների հավաքագրում՝ ՀՖՖ երկու բաժինների (ՀՖՖ հավաքական թիմերի և հասարակայնության հետ կապերի և լրատվության) աշխատանքներին 2020 թ. ընթացքում ներգրավելու նպատակով: 

 

Հասարակայնության հետ կապերի և լրատվության բաժնի աշխատանքներին ներգրավվել ցանկացողները կստանան այդ հնարավորությունը Հայաստանի Բարձրագույն և Առաջին խմբերի առաջնությունների հանդիպումների, իսկ լավագույնս դրսևորվելու դեպքում՝ նաև Հայաստանի ազգային և տարբեր տարիքային հավաքականների միջազգային հանդիպումների ընթացքում:

 

Հավաքական թիմերի բաժնի կամավորների առաջին փորձը կլինի ապրիլի 18-ից 22-ը Հայաստանում անցկացվելիք ՈՒԵՖԱ-ի Զարգացման մրցաշարը, որը կլինի հնարավորություն՝ հետագայում ավելի բարձր մակարդակի հանդիպումների կազմակերպչական աշխատանքներին ներգրավվելու համար:

 

Դիմել կարող են բոլոր ցանկացողները` առանց տարիքային սահմանափակման: Դիմելու համար պետք է մինչը մարտի 1-ը [email protected] էլեկտրոնային հասցեին ուղարկել ինքնակենսագրականը՝ վերնագրում նշելով այն բաժինը, որտեղ ցանկալի է անցկացնել կամավորական փորձաշրջանը:

 

Հասարակայնության հետ կապերի և լրատվության բաժնում կամավորական գործունեություն ծավալելու համար նամակի մեջ պետք է նշել նաև զբաղվածության՝ Ձեզ համար նախընտրելի ոլորտը (կոնտենտ մենեջեր, սոցցանցերի մասնագետ, լուսանկարիչ, օպերատոր): 

 

Եղե՛ք ակտիվ և օգտագործեք իրադարձությունների կիզակետում լինելու բացառիկ հնարավորությունը:  

Բարձրագույն խումբ

N Թիմեր Խ Մ
1. Արարատ-Արմենիա 18 36
2. Լոռի ՖԱ 18 32
3. Ալաշկերտ 18 31
4. Արարատ 18 31
5. Նոա 18 30
6. Շիրակ 18 28
7. Փյունիկ 18 23
8. ՈՒրարտու 18 23
9. Գանձասար-Կապան 18 18
10. ՖԱ Երևան 18 0
N Թիմեր Խ Մ
1. Շիրակ 26 46
2. Արարատ-Արմենիա 26 46
3. Նոա 26 45
4. Ալաշկերտ 26 41
5. Լոռի ՖԱ 26 40
6. Արարատ 26 33
N Թիմեր Խ Մ
1. ՈՒրարտու 24 36
2. Փյունիկ 24 32
3. Գանձասար-Կապան 24 31
4. ՖԱ Երևան 24 0