Մեկնարկում է ՀՀ Առաջին խմբի առաջնության ակումբների արտոնագրման 2021/22 մրցաշրջանը

ՀՖՖ Արտոնագրման բաժինը հայտարարում է ՀՀ Առաջին խմբի առաջնության ակումբների արտոնագրման 2021/22 մրցաշրջանի մեկնարկը։ Արտոնագրային նշված մրցաշրջանի գործընթացին մասնակցելը և համապատասխան արտոնագիր ստանալը պարտադիր պահանջ է այն ակումբների համար, որոնք ցանկանում են մասնակցել վերոնշյալ մրցաշրջանին։

Արտոնագրային գործընթացն անցկացվելու է ՀՀ Առաջին խմբի առաջնության ակումբների արտոնագրման կանոնակարգի (2021թ. խմբագրություն) դրույթների համապատասխան:

Ակումբները պետք է հաստատեն իրենց մասնակցությունը ՀՀ Առաջին խմբի առաջնության ակումբների արտոնագրման 2021/22 մրցաշրջանին ստորև ներկայացված դիմում-հայտի միջոցով: Խնդրում ենք հայտը տեղադրել ակումբի պաշտոնական բլանկի վրա, լրացնել համապատասխան բաց թողնված դաշտերը և PDF տարբերակով ուղարկել ՀՖՖ Արտոնագրման բաժնի [email protected] էլ. հասցեին՝ մինչև 2021 թվականի ապրիլի 19-ը ներառյալ:

Ստացված դիմումների և փաստաթղթերի հիման վրա ՀՖՖ Ակումբների արտոնագրման կոմիտեն (Առաջին ատյանի մարմին) որոշում կկայացնի ս.թ. հունիսի 11-ին նշանակված նիստի ընթացքում:

Հարցերի դեպքում կարող եք դիմել ՀՖՖ Արտոնագրման բաժին։

ՀՀ Առաջին խմբի առաջնության ակումբների արտոնագրման կանոնակարգի (2021թ. խմբագրություն)

Ակումբի մասնակցության դիմում-հայտի նմուշ

ՀՀ Առաջին խմբի առաջնության ակումբների արտոնագրման 2021/22 մրցաշրջանի ժամանակացույց