Ավարտվեց կանանց Հայաստանի Բարձրագույն խմբի առաջնությունը

Մայիսի 21-ին ավարտվեց կանանց Հայաստանի Բարձրագույն խմբի առաջնությունը։ Վերջին՝ 18-րդ տուրում «Ուրարտու-աղջիկները» 4։2 հաշվով գերազանցեց «Գանձասար-աղջիկներին»։  

Հաղթող թիմից դուբլ գրանցեց Շուշանիկ Հարությունյանը։ Մեկական անգամ էլ աչքի ընկան Ռուզաննա Ինջյանն ու Լուսինե Կոստանյանը։  Անդրանիկ Հովհաննիսյանի թիմը մրցաշրջանն ավարտեց 2-րդ տեղում։

Գերխոշոր հաշվով հաղթեց վաղաժամ չեմպիոն հռչակված «Փյունիկ-աղջիկները»։ Մանուկ Սարգսյանի գլխավորած թիմը 11։0 հաշվով առավելության հասավ «Լեռնային Արցախ-աղջիկների» նկատմամբ։ 

Դուբլեր գրանցեցին Լուիզա Ղազարյանը, Վերոնիկա Ասատրյանը, Ալեքսա Ռեյչել Ֆայտն ու Տաթև Խաչատրյանը։ «Փյունիկ-աղջիկները» 18 խաղում տոնեց նույնքան հաղթանակ՝ վաստակելով 54 միավոր։ 

Կանանց Հայաստանի Բարձրագույն խումբ, Տուր 18

«Գանձասար-աղջիկներ» - «Ուրարտու-աղջիկներ»՝ 2։4
Խաղի արձանագրությունը

«Փյունիկ-աղջիկներ» - «Լեռնային Արցախ-աղջիկներ»՝ 11։0
Խաղի արձանագրությունը