Նորություններ

-
Եվս 5 փոքր խաղադաշտ բացվեց Տավուշի մարզում
27.12.201918:00
Եվս 5 փոքր խաղադաշտ բացվեց Տավուշի մարզում

Տավուշի մարզում բացվեցին ևս 5 փոքր խաղադաշտեր:

 

Հայաստանի ֆուտբոլի ֆեդերացիան շարունակում է հավատարիմ մնալ ՀՖՖ ռազմավարության կարևորագույն դրույթներից մեկի՝ մարզերում ֆուտբոլային ենթակառուցվածքների զարգացման շարունակական գործընթացի իրականացմանը:

Դեկտեմբերի 27-ին ՀՖՖ նախագահ Արմեն Մելիքբեկյանը, փոխնախագահ Արմեն Նիկողոսյանը, Ֆուտբոլի դեպարտամենտի պետ Արթուր Ազարյանը, ինչպես նաև ՀՖՖ Գործադիր կոմիտեի նորընտիր անդամներ Գագիկ Աղբալյանը և Աննա Թադևոսյանն այցելեցին Տավուշի մարզ, որի Հաղարծին, Գանձաքար, Գետահովիտ, Ազատամուտ գյուղերում, ինչպես նաև Իջևան քաղաքում բացվեցին ևս 5 փոքր խաղադաշտեր:

Հայաստանի ֆուտբոլի ֆեդերացիայի կողմից սկսված լայնածավալ ծրագրի շնորհիվ արդեն այս տարի շահագործման են հանձնվել 20x40 չափի արհեստական խոտածածկով 51 խաղադաշտեր, որոնցից 10-ը՝ Վայոց Ձորի, 15-ը՝ Գեղարքունիքի, 13-ը՝ Տավուշի, 12-ը՝ Շիրակի, ևս մեկը՝ Արարատի մարզերում։  

ՀՖՖ նախագահ Արմեն Մելիքբեկյանն իր խոսքում հերթական անգամ կարևորեց ենթակառուցվածքների զարգացումը մարզերում և հավելեց, որ գործընթացը կշարունակվի նաև 2020 թ. ընթացքում: Փոքր խաղադաշտերի կառուցման հաջորդ փուլը կլինի Արարատի և Արագածոտնի մարզերում:

 

Մանրամասները՝ ՀՖՖ TV-ի տեսանյութում

 

Բարձրագույն խումբ

N Թիմեր Խ Մ
1. Լոռի ՖԱ 15 28
2. Արարատ-Արմենիա 15 27
3. Ալաշկերտ 15 27
4. Արարատ 15 27
5. Շիրակ 15 25
6. Նոա 15 24
7. Փյունիկ 15 20
8. ՈՒրարտու 15 17
9. Գանձասար-Կապան 15 14
10. ՖԱ Երևան 15 0