Նորություններ

-
ՀՖՖ-ն համագործակցության հուշագիր ստորագրեց ԵՏՄ անդամ 3 երկրի հետ
24.01.202016:34
ՀՖՖ-ն համագործակցության հուշագիր ստորագրեց ԵՏՄ անդամ 3 երկրի հետ

Հայաստանի ֆուտբոլի ֆեդերացիան հունվարի 24-ին ստորագրեց համագործակցության հուշագիր Ղազախստանի, Ղրղզստանի և Բելառուսի հետ:

 

Հունվարի 23-ից Հայաստանում են ԵՏՄ անդամ երկրների՝ Ռուսաստանի, Ղազախստանի, Ղրղզստանի և Բելառուսի ֆուտբոլի ֆեդերացիաների կամ պրոֆեսիոնալ լիգաների ղեկավարներն ու ներկայացուցիչները: Նպատակը ֆուտբոլային համագործակցության հուշագրի ստորագրումն է:

Հունվարի 24-ին ՀՖՖ գրասենյակում կայացած հանդիպմանր ՀՖՖ-ն ներկայացնում էին ՀՖՖ նախագահ Արմեն Մելիքբեկյանը, ՀՖՖ փոխնախագահ Արմեն Նիկողոսյանը, ՀՖՖ գլխավոր քարտուղար Արթուր Ազարյանը, ՀՖՖ ավաքական թիմերի մենեջեր Հրաչյա Ղամբարյանը: Հյուրերի թվում էին Ռուսաստանի Պրեմիեր Լիգայի (ՌՊԼ) Գործադիր տնօրեն Սերգեյ Չեբանը և ՌՊԼ Միջազգային համագործակցության բաժնի ղեկավար Ելենա Կոբակը,  Ղազախստանի Պրեմիեր Լիգայի նախագահ Օլժաս Աբրաևը, Բելառուսի Ֆուտբոլի Ֆեդերացիայի Ասոցիացիայի Մրցումների կազմակերպման բաժնի ղեկավար Իգոր Ցապլյուկը, Ղրղզստանի Ֆուտբոլային լիգայի նախագահ Նուրբեկ Ատականովը և Ղրղզստանի ֆուտբոլի ֆեդերացիայի փոխնախագահ Դաստանբեկ Կոնոկբաևը:

Հանդիպման ընթացքում կողմերը քննարկեցին ֆուտբոլային տարբեր բնագավառներում (մարզչական կրթություն, մանկապատանեկան ֆուտբոլ, ֆուտզալ և կանանց ֆուտբոլ, երկրպագուների հետ տարվող աշխատանքներ և այլն) փոխհամագործակցության հեռանկարները: Առանձնակի ուշադրություն դարձվեց Պրոֆեսիոնալ Լիգայի հետ կապված տարբեր մանրամասների քննարկմանը:

Այնուհետև ՀՖՖ նախագահ Արմեն Մելիքբեկյանը համագործակցության հուշագիր ստորագրեց Ղազախստանի, Ղրզզստանի և Բելառուսի վերոնշյալ ներկայացուցիչների հետ: ՌՊԼ գործադիր տնօրեն Սերգեյ Չեբանը հայտարարեց, որ իրենք ոչ մի առարկություն չունեն՝ կապված հուշագրի հետ, բայց ՌՊԼ նախագահ Սերգեյ Պրյադկինը ցանկություն է հայտնել անձամբ ստորագրել այն, հավանաբար՝ կողմերի միջև հաջորդ հանդիպման ընթացքում:

Չեբանը նաև հաստատեց, որ, անկախ հուշագրի ստորագրումից, հաշվի առնելով ՌԴ Սպորտի նախարարի հրամանը, 2020 թ. հուլիսի 1-ից հայ ֆուտբոլիստները չեն համարվի «լեգեոներ» Ռուսաստանում: 

Մանրամասները՝ ՀՖՖ TV-ի տեսանյութում՝ 
 



      

Բարձրագույն խումբ

N Թիմեր Խ Մ
1. Լոռի ՖԱ 15 28
2. Արարատ-Արմենիա 15 27
3. Ալաշկերտ 15 27
4. Արարատ 15 27
5. Շիրակ 15 25
6. Նոա 15 24
7. Փյունիկ 15 20
8. ՈՒրարտու 15 17
9. Գանձասար-Կապան 15 14
10. ՖԱ Երևան 15 0