Հայաստանի ազգային հավաքականը հաղթեց Լատվիայի ընտրանուն

ՈւԵՖԱ Ազգերի լիգայի խաղարկության առաջին տուրի շրջանակում Հայաստանի ազգային հավաքականը սեպտեմբերի 7-ին Երևանում հյուրընկալեց Լատվիայի ընտրանուն:

Հանդիպման հաշիվը 6-րդ րոպեին Հայաստանի հավաքականի կազմում բացեց Վահան Բիչախչյանը: Րոպեներ անց հավիվը հավասարվեց, ինքնագոլի հեղինակ դարձավ Գերոգի Հարությունյանը: Հանդիպման 35-րդ րոպեին Կասպարդ Դուբրան գրավեց սեփական դարպասը՝ հաշիվը դարձնելով 2:1: Թիմերն ընդմիջման գնացին հաշվի նվազագույն տարբերության պայմաններում:

Երկրորդ խաղակեսում մեր տղաներն աչքի ընկան ևս 2 անգամ: Երկրորդ խաղակեսի սկզբում՝ 48-րդ րոպեին, Լուկաս Սելարայանը գրավեց մրցակցի դարպասը: 86-րդ րոպեին էլ Էդուարդ Սպերցյանը մեծացրեց Հայաստանի հավաքականի առավելությունը՝ 4:1:

Մեր ընտրանին օրեր անց՝ սեպտեմբերի 10-ին Սկոպյեում ուժերը կչափի Հյուսիսային Մակեդոնիայի հավաքականի հետ: 

Հայաստան – Լատվիա՝ 4:1 (2:1)
Երևան, «Հանրապետական» մարզադաշտ
Մրցավար՝ Նենադ Մինակովիչ
Գոլերը՝ Բիչախչյան, 6, Դուբրա, 35 (ԻԳ), Սելարայան, 48, Սպերցյան, 86 (Հայաստան), Գ. Հարությունյան, 9 (ԻԳ) (Լատվիա) 

Հայաստան 
1. Օգնյեն Չանչարևիչ, 2. Անդրե Չալըշըր (22. Սերգեյ Մուրադյան, 75), 3. Վարազդատ Հարոյան (ա), 4. Գեորգի Հարությունյան, 6. Ուգոչուկվու Իվու, 8. Էդուարդ Սպերցյան, 9. Արթուր Սերոբյան (18. Ժիրայր Շաղոյան, 66), 10. Լուկաս Սելարայան (17. Հրանտ-Լեոն Ռանոս, 84), 13. Կամո Հովհաննիսյան, 21. Նաիր Թիկնիզյան, 23. Վահան Բիչախչյան (7. Էդգար Սևիկյան, 66)
Պահեստայիններ՝ 12. Արսեն Բեգլարյան, 16. Հենրի Ավագյան, 5. Էրիկ Սիմոնյան, 11. Հովհաննես Հարությունյան, 14. Գոռ Մանվելյան, 15. Դավիթ Դավիդյան, 19. Էդգար Գրիգորյան, 20. Արամ Խամոյան
Գլխավոր մարզիչ՝ Ալեքսանդր Պետրակով

Լատվիա
23. Ռիհարդս Մատրեվիչս, 4. Կասպարս Դուբրա (2. Դանիելս Բալոդիս, 63), 6. Կրիստերս Տոբերս (ա), 7. Էդուարդս Դաշկեվիչս (9. Վլադիսլավս Գուտկովսկիս, 63), 10. Յանիս Իկաունիեկս (3. Ռենարս Վարսլավանս, 82), 13. Ռաիվիս Յուրկովսկիս, 14.Անդրեյս Ցիգանիկս, 16. Ալվիս Յաունզեմս (11. Ռոբերտս Սավալնիեկս, 63), 17. Լուկաս Վապնե (15. Դիմիտրիս Զելենկովս, 63), 20. Ռոբերտս Ուլդրիկիս, 22. Ալեկսեյս Սալավյով
Պահեստայիններ՝ 12. Ռոբերտս Օզոլս, 12. Ֆրենկս Օրոլս, 5. Վյաչեսլավս Իսաևս, 8. Էմիլս Բիրկա, 18. Մարկո Ռեգժա, 19. Դենիս Մելնիկս, 21. Մաքսիմս Տոնիշևս
Գլխավոր մարզիչ՝ Պաոլո Նիկոլատո