Նորություններ

-
Նոր մարզադաշտ Շուշիում. մայիսյան եռատոնի նվերը (լուսանկարներ, տեսանյութ)
03.05.201316:53
Նոր մարզադաշտ Շուշիում. մայիսյան եռատոնի նվերը (լուսանկարներ, տեսանյութ)

Հայաստանի ֆուտբոլի ֆեդերացիան իր քաղաքականության կարեւորագույն առաջնահերթություններից է համարել ֆուտբոլային ենթակառուցվածքների զարգացումը: Դրանց մեջ ներառվում են թե մեծ մարզադաշտերը, թե եվրոպական ստանդարտներին համապատասխան արհեստական խոտածածկով խաղադաշտերը, որոնք հնարավորություն են ընձեռում թե մեծերին, թե փոքրերին շուրջօրյա զբաղվել ֆուտբոլով:

 

2004 թվականից ի վեր Հայաստանի ֆուտբոլի ֆեդերացիան արհեստական խոտածածկով ավելի քան հարյուր խաղադաշտ է կառուցել Երեւանում, Հայաստանի մարզերում եւ Լեռնային Ղարաբաղում:

 

Այսօր հերթական խաղադաշտը բացվեց Շուշիում, որը մայիսյան եռատոնի օրերին լավագույն նվերն էր Լեռնային Ղարաբաղի ֆուտբոլային հանրությանը:

 

Խաղադաշտը ոչ միայն հնարավորություն կտա անցկացնելու ֆուտբոլային հանդիպումներ, խաղեր, այլեւ 410 ֆուտբոլասերների հնարավորություն կտա երկրպագել իրենց սիրելի թիմին, քանի որ խաղադաշտն ունի նաեւ 410 տեղանոց տրիբունա:

 

Իր ամբողջության մեջ այս հրաշալի մարզադաշտը հանդիսավորապես բացեցին Հայաստանի ֆուտբոլի ֆեդերացիայի նախագահ Ռուբեն Հայրապետյանը եւ ԼՂՀ ֆուտբոլի ֆեդերացիայի նախագահ Սամվել Կարապետյանը:

 

Հանդիսությանը ներկա էին նաև ԼՂՀ նախագահ Բակո Սահակյանը, Արցախի հոգևոր թեմի առաջնորդ Պարգև արքեպիսկոպոս Մարտիրոսյանը:

 

Հանդիսության կապակցությամբ տեղի ունեցած համերգին հաջորդեց ֆուտբոլային հանդիպում Շուշիի և Ստեփանակերտի դպրոցական ֆուտբոլային թիմերի միջև:

 

Հայաստանի Ֆուտբոլի Ֆեդերացիան Շուշիի երեխաներին նվիրաբերեց նաեւ մարզահագուստ և գնդակներ:

 

 

Ավելին

 

 

VBET Հայաստանի Պրեմիեր Լիգա

N Թիմեր Խ Մ
1. Արարատ-Արմենիա 7 21
2. Արարատ 7 18
3. Սևան 7 14
4. Փյունիկ 7 11
5. ՈՒրարտու 6 9
6. Նոա 6 7
7. Վան 7 7
8. Նորավանք 7 5
9. Ալաշկերտ 5 2
10. ԲԿՄԱ 7 0