Տոմսեր

ՀԱՐԳԵԼԻ ՖՈՒՏԲՈԼԱՍԵՐ

Հայաստանի ազգային հավաքականի պաշտոնական՝ Վազգեն Սարգսյանի անվան «Հանրապետական» մարզադաշտում գործում է ՄՈՒՏՔԻ ԷԼԵԿՏՐՈՆԱՅԻՆ ՀԱՄԱԿԱՐԳ: Մարզադաշտի երկու գլխավոր՝ Վարդանանց և Չարենց փողոցների մուտքերի մոտ տեղադրված են հոսքերի բաժանիչներ: 16 բաժանիչ Վարդանանց փողոցի և 4 բաժանիչ Չարենց փողոցի մուտքերի մոտ:

Մարզադաշտ գալուն պես մուտքերի մոտ առկա բաժանիչներով Դուք պետք է մոտենաք կարգադրիչին` ստյուարդին:

Նրան պետք է ցույց տաք Ձեր տոմսը՝ արտաքին զննման համար:

Երկրորդ կարգադրիչը մուտքի մոտ պետք է կատարի մարմնի զննում` արգելվող պարագաներ մարզադաշտ թույլ չտալու համար:

ՏԵՂԵԿԱՑՆՈՒՄ ԵՆՔ, որ արգելվում է մարզադաշտ տանել ցանկացած տեսակի զենք, զինամթերք, դյուրավառ, պայթուցիկ նյութեր, բենգալյան կրակներ, ցանկացած տեսակի շիշ, լազերներ, ծակող, կտրող գործիքներ* և Դուք պարտավոր եք մարզադաշտի տարածք անցնել առանց նմանատիպ պարագաների: Նմանատիպ ցանկացած պարագա կարգադրիչը իրավասու է վերցնել անվերադարձ**:

*(Գործողությունը բխում է 2004թ. վավերացված «Մարզական միջոցառումների, մասնավորապես ֆուտբոլային խաղերի ժամանակ հանդիսատեսի կողմից ցուցաբերված անկարգությունների մասին» միջազգային կոնվենցիայի դրույթներից):

**(Ծանուցումն այն մասին, որ արգելվում է մարզադաշտ տանել արգելված պարագաներ՝ նշված է նաև տոմսի վրա: Տոմսը հրապարակային օֆերտա է: Գնելով տոմս, Դուք հրապարակային պայմանագիր եք կնքում, որով սահմանվում են Ձեր և Ձեզ ծառայություն մատուցողի պարտականությունները, Դուք հավաստում եք, որ պատշաճ ծանուցված եք, պարտավորվում եք ընդունել և կատարել ծառայություն մատուցողի պայմանները):

Տոմսի արտաքին ստուգումն ու մարմնի զննումն անցնելուց հետո Դուք պետք է մոտենաք Ձեր տոմսի աջ անկյունում նշված թվերին համապատասխան էլեկտրոնային պտտադռներին (տուրնիկետերին): Բոլոր պտտադռները համարակալված են կարմիր գույնի մեծ, արտացոլվող թվերով:

Տեղեկացնում ենք, որ տոմսերը գործում են Բար-կոդերով: Վավեր են բացառապես Բար-կոդերով տոմսերը:

Ձեր տոմսը ԲԱՐ-ԿՈԴ-ի հատվածով պետք է մոտեցնեք տուրնիկետի վրա տեղադրված սկաներին և պետք է սպասեք դրական արձագանքի:

Դրական արձագանքը ստանալուց հետո տուրնիկետի պտտամասը պետք է հրեք դեպի առաջ:

Չի թույլատրվում այն քաշել դեպի Ձեզ:

Եթե սկաները տալիս է բացասական պատասխան, նշանակում է, որ Դուք մոտեցել եք ոչ Ձեր տոմսի վրա նշված մուտքին, կամ Ձեր տոմսը վավեր չէ:

Մեկ տոմսով մարզադաշտ կարող է մուտք գործել միայն մեկ անձ՝ անկախ տարիքից և միայն մեկ անգամ:

Մարզադաշտ մուտք գործելուց և տուրնիկետերի գոտին անցնելուց հետո, մինչև խաղի ավարտը Դուք չեք կարող դուրս գալ մարզադաշտի տարածքից:
Մարզադաշտ մտնելիս խնդրում ենք ուշադիր ծանոթանալ բոլոր ուղեցույցերին, որպեսզի կարողանաք ճիշտ գտնել Ձեր տոմսի վրա նշված տրիբունան և նրան համապատասխանող տուրնիկետը:

Խնդրում ենք առանց տոմսերի չմոտենալ մարզադաշտի գլխավոր մուտքերի բաժանարարներին:

Մարզադաշտում տեղադրված է տեսահսկման համակարգ: Ցանկացած շարժ և գործողություն նկարահանվում է՝ անվտանգության նկատառումներից ելնելով:

Կարգադրիչներն իրավունք ունեն խաղավարտից հետո՝ անվտանգության նկատառումներից ելնելով մի քանի րոպեով փակել մարզադաշտից դուրս գալու մուտքերը, որին խնդրում ենք մոտենալ ըմբռնումով:

 

Բարձրագույն խումբ

N Թիմեր Խ Մ
1. Արարատ-Արմենիա 13 26
2. Արարատ 13 26
3. Շիրակ 13 25
4. Ալաշկերտ 13 23
5. Լոռի ՖԱ 13 22
6. Նոա 13 20
7. Փյունիկ 13 16
8. ՈՒրարտու 13 15
9. Գանձասար-Կապան 13 10
10. ՖԱ Երևան 13 0