Նորություններ

-
Էդգար Բաբայանը և Անդրե Չալըշըրը՝ Դանիայում և Շվեդիայում տիրող վիճակի մասին
25.03.202011:34
Էդգար Բաբայանը և Անդրե Չալըշըրը՝ Դանիայում և Շվեդիայում տիրող վիճակի մասին

ՀՖՖ պաշտոնական կայքը շարունակում է շարքը, որում անդրադառնում է Հայաստանի ազգային հավաքականի՝ արտերկրում հանդես եկող ֆուտբոլիստներին, որոնց առօրյա կյանքը ևս սահմանափակվել է կորոնավիրուսի համաճարակի պատճառով: Այս անգամ զրուցել ենք համապատասխանաբար Դանիյայում և Շվեդիայում հանդես եկող Էդգար Բաբայանի և Անդրե Չալըշըրի հետ:

 

Էդգար Բաբայան

«Կորոնավիրուսը Դանիայում մեծ թափ է ստացել, երկրում հայտարարված է արտակարգ դրություն, սահմանները փակ են: Վիճակից ելնելով՝ գրեթե ամեն ինչ, այդ թվում` ֆուտբոլը, դադարեցվել է: Ներքին առաջնությունը կանգնել է, թիմային մարզումներ չեն անցկացվում: Ես մարզվում եմ տնային պայմաններում, փորձում եմ պահպանել մարզավիճակս: Հուսով եմ, որ ամբողջ աշխարհում կորոնավիրուսը շատ շուտ նահանջ կապրի, և բոլորս կվերադառնանք մեր բնականոն առօրյային»:

 

Անդրե Չալըշըր

«Իրավիճակը Շվեդիայում բավականին բարդ է: Գարուն-աշուն ձևաչափով անցկացվող առաջնությունը պետք է սկսվեր ապրիլին, սակայն հասկանալի պատճառներով հետաձգվել է: Մեր թիմը նվաճել է նաև Շվեդիայի գավաթի խաղարկության քառորդ եզրափակչի ուղեգիր, սակայն այդ մրցաշարը նույնպես հետաձգվել է և, ամենայն հավանականությամբ, կվերսկսվի հունիսին: Մենք շարունակում ենք մարզումները, սակայն չեղարկել ենք բոլոր ընկերական հանդիպումները: Բոլորին մաղթում եմ քաջ առողջություն»:

VBET Հայաստանի Պրեմիեր Լիգա

N Թիմեր Խ Մ
1. Վան 4 9
2. Նոա 4 7
3. ՈՒրարտու 4 7
4. Ալաշկերտ 4 7
5. Լոռի ՖԱ 4 6
6. Փյունիկ 5 4
7. Գանձասար-Կապան 4 4
8. Արարատ 2 3
9. Արարատ-Արմենիա 3 2
10. Շիրակ 2 1