Նորություններ

-
Փոփոխություններ Ֆուտզալի Հայաստան-Ֆրանսիա հանդիպման հավատարմագրման կարգում
29.01.202111:49
Փոփոխություններ Ֆուտզալի Հայաստան-Ֆրանսիա հանդիպման հավատարմագրման կարգում

ՈՒԵՖԱ ֆուտզալի Եվրոպայի առաջնության որակավորման երկրորդ խմբի երկրորդ մրցափուլի Հայաստան-Ֆրանսիա հանդիպման հավատարմագրման կարգում տեղի է ունեցել 3 փոփոխություն:

 

1.Հայաստանի ֆուտբոլի ֆեդերացիան, ՈՒԵՖԱ-ի հետ բանակցությունների արդյունքում, կարողացել է ընդլայնել մեդիայի հավատարմագրվող ներկայացուցիչների թիվը, որը սահմանվել էր COVID-19-ի համավարակի սահմանափակումներից ելնելով: Նախապես հայտարարված 10 լրագրողի և 5 ֆոտոթղթակցի փոխարեն այժմ կարող են հավատարմագրվել 20 լրագրող և 10  ֆոտոթղթակից: Նախկինի պես յուրաքանչյուր լրատվամիջոցից կարող է հավատարմագրվել առավելագույնը մեկական լրագրող և ֆոտոթղթակից:

 

2.Բացի այդ  հավատարմագրման համար նախապես հայտարարված վերջնաժամկետը երկարացվել է մինչև հունվարի 31՝ ժամը 18:00:

 

3.Մեդիայի այն ներկայացուցիչները, ովքեր ցանկանում են հավատարմագրվել նախախաղային մարզումները և Հայաստան-Ֆրանսիա հանդիպումը լուսաբանելու համար, պետք է մարզադահլիճ մուտք գործելիս ներկայացնեն խաղի մեկնարկից (03022021, 17։00) ոչ ուշ, քան 72 ժամ առաջ արված ՊՇՌ հետազոտության բացասական պատասխանի տպագիր տարբերակը:

 

ՊՇՌ հետազոտության դրական պատասխանով կամ առանց բացասական տպագիր պատասխանի ներկայանալու դեպքում ԶԼՄ ներկայացուցիչները չեն կարող մուտք գործել մարզադահլիճ

 

Հիշեցնենք, որ Հայաստան-Ֆրանսիա  հանդիպումը կկայանա փետրվարի 3-ին՝ ժամը 17:00-ին՝ ՀՖՖ տեխնիկական կենտրոն/ֆուտբոլի ակադեմիայում:

 

Փետրվարի 2-ին՝ ժամը 16:00-ին, կկայանա ֆուտզալի Հայաստանի հավաքականի, իսկ ժամը 17:00-ին՝ Ֆրանսիայի հավաքականի նախախաղային մարզումը: Երկու մարզումների առաջին 15 րոպեները բաց կլինեն մեդիայի հավատարմագրված ներկայացուցիչների համար:

 

Մեդիայի այն ներկայացուցիչները, որոնք ցանկանում են հավատարմագրվել հանդիպմանը, պետք է մինչև հունվարի 31-ը [email protected] էլեկտրոնային հասցեին ուղարկեն հավատարմագրման դիմումը՝ ստորագրված լրատվամիջոցի ղեկավարի կողմից, և նշելով զբաղվածության ոլորտը (լրագրող, ֆոտոթղթակից, օպերատոր), անձը հաստատող փաստաթղթի և լրագրողական հավատարմագրի սկանավորված տարբերակները, 3x4 չափի լուսանկար: 

VBET Հայաստանի Պրեմիեր Լիգա

N Թիմեր Խ Մ
1. Ալաշկերտ 19 36
2. Նոա 20 35
3. Արարատ 19 35
4. Արարատ-Արմենիա 19 33
5. ՈՒրարտու 19 29
6. Վան 21 25
7. Լոռի ՖԱ 24 23
8. Փյունիկ 20 21
9. Շիրակ 21 13