Նորություններ

-
Հայտնի են VBET Հայաստանի Պրեմիեր լիգայի փետրվար-մարտ ամիսների լավագույն ֆուտբոլիստն ու մարզիչը
07.04.202115:20
Հայտնի են VBET Հայաստանի Պրեմիեր լիգայի փետրվար-մարտ ամիսների լավագույն ֆուտբոլիստն ու մարզիչը

VBET Հայաստանի Պրեմիեր լիգայի փետրվար-մարտ ամիսների լավագույն ֆուտբոլիստ է ճանաչվել «Ալաշկերտի» փորձառու կիսապաշտպան Արտակ Գրիգորյանը: Նշված ժամանակահատվածում ֆուտբոլիստը մասնակցել է 3 խաղի, դարձել 1 գոլի և 1 գոլային փոխանցման հեղինակ, օգնել թիմին տանել 2 հաղթանակ և գրանցել 1 ոչ-ոքի: Գրիգորյանը երրորդն է եղել երկրպագուների քվեարկության արդյունքներով՝ առաջ թողնելով «Արարատ-Արմենիայի» կիսապաշտպան Զաքարիա Սանոգոյին և «Փյունիկի» հարձակվող Միկիտա Տատարկովին, բայց փորձագետների և երկրպագուների ձայների հանրագումարում ճանաչվել է լավագույնը:

 

Ամսվա լավագույն մարզիչ անվանակարգում թեժ պայքար է ծավալվել Վարդան Բիչախչյանի և Աբրահամ Խաշմանյանի միջև, սակայն փոքր տարբերությամբ լավագույնի կոչումը բաժին է հասել մրցաշարային աղյուսակը գլխավորող «Արարատի» գլխավոր մարզչին: Այս շրջանում թիմը Բիչախչյանի գլխավորությամբ հաղթել է 2 կարևոր մրցակիցների, արձանագրել 1 ոչ-ոքի, ևս մեկ խաղում էլ «Արարատին» շնորհվել է տեխնիկական հաղթանակ: Երկրպագուների վարկածով լավագույն մարզիչը Եղիշե Մելիքյանն է:

 

Հիշեցնենք, որ լավագույնները որոշվել են երկրպագուների և փորձագետների ձայների հանրագումարում՝ համապատասխանաբար 1/3 և 2/3 համամասնությամբ: Լավագույնների մրցանակները կհանձնվեն VBET Հայաստանի Պրեմիեր լիգայի՝ մրցանակակիրների թիմերի առաջիկա տնային հանդիպումներից առաջ: VBET ընկերության կողմից մրցանակներ են սահմանված յուրաքանչյուր ամսվա համար:

VBET Հայաստանի Պրեմիեր Լիգա

N Թիմեր Խ Մ
1. Ալաշկերտ 24 46
2. Նոա 24 41
3. ՈՒրարտու 24 41
4. Արարատ 24 40
5. Արարատ-Արմենիա 24 38
6. Վան 24 31
7. Փյունիկ 24 25
8. Լոռի ՖԱ 24 23
9. Շիրակ 24 13