ՀՖՖ-ն հայտարարում է ՈՒԵՖԱ Մարզչական B կարգի արտոնագրի դասընթացի ընդունելություն

Հայաստանի ֆուտբոլի ֆեդերացիան հայտարարում է ՈՒԵՖԱ/ՀՖՖ B կարգի արտոնագրի դասընթացի ընդունելության մեկնարկը: Դասընթացին մասնակցելու համար անհրաժեշտ է ծանոթանալ կազմակերպման և վարման ընթացակարգերին և մինչև ս․թ․ մարտի 28-ը ներառյալ լրացնել դիմում-հայտը` անցնելով հետևյալ հղումով` https://bit.ly/3EvNKo5:

Դասընթացը բաղկացած է 7 մոդուլներից: Դասընթացի առաջին մոդուլը տեղի կունենա ս.թ. ապրիլի 14-ից ապրիլի 16-ը ներառյալ ՀՖՖ Տեխնիկական կենտրոն/ֆուտբոլի ակադեմիայում:

ՈՒՇԱԴՐՈՒԹՅՈՒՆ 

ՈՒԵՖԱ/ՀՖՖ մարզչական B կարգի արտոնագրի դասընթացին կարող են դիմել կամ ՈՒԵՖԱ C կարգի վավեր արտոնագիր ունեցող անձինք, կամ պրոֆեսիոնալ ֆուտբոլիստները/ուհիները (տե՛ս 20 և 21 կետերը)։ 

ՀՖՖ տեխնիկական տնօրինության որոշմամբ՝ դասընթացին կարող են մասնակցել 30 ուսանող: Տեղերի սահմանափակ լինելու պատճառով տեխնիկական տնօրինությունը կատարելու է ընտրություն՝ հաշվի առնելով մի շարք չափորոշիչներ՝ 

· դիմորդ-մարզչի աշխատանքային փորձը մանկապատանեկան թիմերում 
· ինչ տարիքային խմբերի հետ է աշխատել կամ աշխատում 
· արդյոք աշխատել կամ աշխատում է որպես գլխավոր մարզիչ 
· և այլն 

Տեխնիկական տնօրինության որոշմամբ՝ որպես ամփոփիչ փուլ, անհրաժեշտության դեպքում կանցկացվի նաև անհատական հարցազրույց վերոնշյալ չափորոշիչներով ընտրված դիմորդ-մարզիչների հետ, ինչից հետո կկատարվի վերջնական ընտրություն։ 

ՈՒԵՖԱ/ՀՖՖ B կարգի արտոնագրի դասընթացի վարձավճարը կազմում է հինգ հարյուր հազար դրամ՝ (500000 ՀՀ դրամ)՝ ներառյալ հարկերը և այլ պարտադիր վճարները։
Վճարումը կատարվելու է երկու մասով։ 

Ընտրված դիմորդ-մարզիչները պետք է վճարման առաջին մասը՝ երկու հարյուր հիսուն հազար դրամը (250000 ՀՀ դրամ), կատարեն մինչև ս.թ. ապրիլի 7-ը՝ ժամը 18։00: 

Վճարումը չկատարելու դեպքում դիմորդ-մարզիչը չի կարող մասնակցել դասընթացին: 

Վճարման երկրորդ մասը (250000 ՀՀ դրամ) պետք է կատարվի հինգերորդ մոդուլից առաջ (ժամկետների մասին կտեղեկացնենք մի փոքր ուշ)։ 

Դիմում֊հայտը լրացնելու և ուղարկելու վերջնաժամկետն է ս.թ. մարտի 28-ը ներառյալ՝ ժամը 18։ 

Պահանջվող բոլոր փաստաթղթերի մասին տեղեկություն կարող եք գտնել դիմում-հայտում: