Գլխավոր >> Նորություններ >> Կայացավ ՀՖՖ Գործադիր կոմիտեի հերթական նիստը

Կայացավ ՀՖՖ Գործադիր կոմիտեի հերթական նիստը

ՀՖՖ 16.12.2022 16:10

Դեկտեմբերի 16-ին ՀՖՖ գրասենյակում կայացավ ՀՖՖ Գործադիր կոմիտեի հերթական նիստը, որի օրակարգում ընդգրված էր 7 հարց: 

Նիստի սկզբում ՀՖՖ Գործադիր կոմիտեի անդամները հաստատեցին ՀՖՖ 23-րդ հերթական ժողովի օրակարգը, այնուհետև քվեարկեցին ՀՖՖ Անկախ աուդիտորին՝ «Բի-Դի-Օ Արմենիա» ընկերությանը ՀՖՖ հերթական ժողովի հաստատմանը ներկայացնելու օգտին:

ՀՖՖ Գործադիր կոմիտեի անդամները կողմ քվեարկեցին ՀՖՖ Ակումբների արտոնագրման կանոնակարգի (2022թ․ խմբագրություն), ՈՒԵՖԱ-ի Կանանց Չեմպիոնների Լիգայի ՀՖՖ Ակումբների արտոնագրման կանոնակարգի (2022թ․ խմբագրություն), ինչպես նաև ՀՖՖ ակումբների արտոնագրման և վերահսկողության համակարգի փորձագետների կազմի և ՀՖՖ ակումբների արտոնագրման համակարգի ղեկավար մարմինների (կոմիտեների) կազմերի հաստատմանը: 

Օրակարգի վերջին հարցը ՈՒԵՖԱ-ի համերաշխության գումարների բաշխման գործընթացի կազմակերպումն էր: ՀՖՖ Գործադիր կոմիտեին ներկայացվեց ՈՒԵՖԱ-ի 2021/2022 մրցաշրջանի համերաշխության գումարների բաշխումը՝ ըստ ակումբների՝ համաձայն նախորդ տարվա հաստատված չափորոշիչների: 

 

Ակումբ
Առաջնություն
   Գումար (Եվրո)
Ուրարտու
ՀՊԼ
295.000
Փյունիկ
ՀՊԼ
255.000
Վան
ՀՊԼ
150.000
Նոա
ՀՊԼ
150.000
Շիրակ
ՀՊԼ
150.000
Արարատ
ՀՊԼ
97.500
Արարատ-Արմենիա
ՀՊԼ
97.500
Լեռնային Արցախ
ՀՊԼ
50.000
Գանձասար
ԱԽ
35.000
Միկա
ԱԽ
35.000
Սյունիք
ԱԽ
25.000
Վեստ Արմենիա
ԱԽ
15.000

 

Հաշվի առնելով  «Ալաշկերտ» ֆուտբոլային ակումբի մասնակցությունը ՈՒԵՖԱ Եվրոպա Կոնֆերենցիաների լիգայի 2021/2022 մրցաշրջանի խմբային փուլին՝ ՈՒԵՖԱ-ի 2021/2022 մրցաշրջանի համերաշխության գումարները հասանելի չեն վերջինիս: 

ՀՖՖ Գործադիր կոմիտեն որոշեց փոփոխություն մտցնել ՈՒԵՖԱ-ի 2022/2023 մրցաշրջանի համերաշխության գումարների բաշխման կարգում: Ըստ այդմ, 2022/2023 մրցաշրջանի համերաշխության գումարները կբաշխվեն՝ ըստ հետևյալ չափորոշիչների՝

Մանկապատանեկան թիմերի քանակ – 20%

ՀՖՖ կողմից կազմակերպվող մանկապատանեկան մրցաշարերին մասնակցող թիմերի քանակ – 20%

Ակումբի ակադեմիայի կամ ֆուտբոլային ենթակառուցվածքի առկայություն – 17.5%

Ակումբի մանկապատանեկան ֆուտբոլի զարգացման ծրագրի առկայություն և այդ ծրագրի համապատասխանելիություն ՀՖՖ մանկապատանեկան ֆուտբոլի զարգացման Ազգային ծրագրին – 17.5%

Մարզային ակումբ – 15%

Ակումբի կողմից մանկապատանեկան ֆուտբոլի սեկտորի վրա ծախսված գումարներ –10%

Ավելացնենք, որ հաջորդ տարի համերաշխության գումարը հասանելի չի լինի ՈՒԵՖԱ Եվրոպա Կոնֆերենցիաների լիգայի 2022/2023 մրցաշրջանի խմբային փուլին մասնակցած «Փյունիկ» ՖԱ-ի համար:

Գլխավոր հովանավոր

Հովանավորներ