Կանանց Բարձրագույն խումբ. «Փյունիկ-աղջիկները» մեծացնում է առավելությունը մրցակիցների նկատմամբ

Նոյեմբերի 4-5-ը կայացան Կանանց Հայաստանի Բարձրագույն խմբի 2024/2025 առաջնության ութերորդ տուրի հանդիպումները: 

Առաջին խաղում ուժերը չափեցին «Ուրարտու-աղջիկները» և «Փյունիկ-աղջիկները»: Վերջինս 7 անպատասխան գնդակ ուղարկեց մրցակցի դարպասը: «Փյունիկ-աղջիկները» այս պահին 24 միավորով գլխավորում է մրցաշարային աղյուսակը:

Տուրի մյուս խաղում միմյանց դեմ մրցեցին «Լեռնային Արցախ-աղջիկները» և «Արարատ-Արմենիա-աղջիկները»: Այս խաղը ևս գոլառատ ստացվեց, հաղթեց «Արարատ-Արմենիա-աղջիկները 5:1 հաշվով: