Գլխավոր >> Նորություններ >> Կայացան ՀՖՖ Ֆուտբոլի 2022 թ. դպրոցական առաջնության եզրափակիչները

Կայացան ՀՖՖ Ֆուտբոլի 2022 թ. դպրոցական առաջնության եզրափակիչները

Ավարտվեց ՀՖՖ Ֆուտբոլի 2022 թ. դպրոցական առաջնությունը, որին մասնակցում էին ավելի քան 3100 աշակերտ Հայաստանի Հանրապետության 190 դպրոցներից: Առաջնությունն անցկացվում էր 3 տարիքային խմբերում:

Առաջին տարիքային խումբը մինչև 10 տարեկաններն էին: 3-րդ տեղի համար մրցավեճում Արարատի մարզի Փոքր Վեդու դպրոցի թիմը 11:4 հաշվով առավելության հասավ Տավուշի մարզի Կողբի դպրոցի նկատմամբ: Եզրափակչում Արագածոտնի մարզի Արագածավանի դպրոցի թիմը 7-մետրանոց հարվածներով հաղթեց Գեղարքունիքի մարզի Լիճքի դպրոցի թիմին:  

Մինչև 12 տարեկանների պայքարում 3-րդ հորիզոնականը զբաղեցրեց Սյունիքի մարզի թիվ 3 հիմնական դպրոցի թիմը, որը 8:7 հաշվով հաղթեց Շիրակի մարզի Մարալիկ քաղաքի թիվ 1 դպրոցը ներկայացնող թիմին: Եզրափակչում Լոռու մարզի՝ Ա. Խլղաթյանի անվան թիվ 18 դպրոցի թիմը 4:1 հաշվով հաղթեց Կոտայքի մարզի Հրազդան քաղաքի 8-րդ դպրոցի թիմին:

Վերջինը մինչև 14 տարեկանների խումբն էր: Այստեղ 3-րդ տեղում Գեղարքունիքի մարզի Մուրացանի անվան միջնակարգ դպրոցի թիմն էր, որը 8:4 հաշվով հաղթեց Տավուշի մարզի Մ. Մագուլյանի անվան Բագրատաշենի թիվ 1 միջնակարգ դպրոցի թիմին: Եզրափակչում Շիրակի մարզի Սառնաղբյուր գյուղի դպրոցի թիմը 7-մետրանոցներով հաղթեց Սյունիքի մարզի 2-րդ դպրոցի թիմին:

Գլխավոր հովանավոր

Հովանավորներ